Jaggubhai Clarity on the movie| Telugu film news | ciniwala |sarileru neekevvaru
మహేష్ బాబు హీరోగా నటిస్తోన్న తాజా చిత్రం ‘సరిలేరు నీకెవ్వరు’. అనిల్ రావిపూడి దర్శకత్వంలో తెరకెక్కుతున్న ఈ సినిమాలో మహేష్ బాబు.. ఆర్మీ అధికారి పాత్రలో నటిస్తున్నాడు. ఐతే.. ఈ సినిమాలో ఓ కీలక పాత్ర కోసం సీనియర్ నటుడు జగపతి బాబును ఎంచుకున్నారు. ఐతే ఇటీవల ఆ సినిమా నుంచి జగపతిబాబు తప్పుకున్నారు. జగ్గూభాయ్ ఈ సినిమా నుంచి తప్పుకోవడం వెనక అనిల్ రావిపూడితో ఉన్న విభేదాలే కారణమని వార్తలు వినబడ్డాయి. తాజాగా ఈ పుకార్లుకు పులిస్టాప్ పెడుతూ.. దర్శకుడు అనిల్ రావిపూడితో పాటు జగపతి బాబు క్లారిటీ ఇచ్చారు. ఈ విషయమై జగపతి బాబు ఓ వీడియోను విడుదల చేసాడు. ఈ వీడియోలో ఆయన మాట్లాడుతూ.. ‘సరిలేరు నీకెవ్వరు’ సినిమాలో తాను ఒక క్యారెక్టర్ చేయాల్సి ఉన్న.. పర్సనల్ కారణాలతో స్వచ్ఛందంగా ఈ సినిమాను వదులుకోవాల్సి వచ్చింది. నేను నా 33 ఏళ్ల కెరీర్లో ఎవరితో గొడవ పడింది లేదంటూ ఓ వీడియోను విడుదల చేసాడు.
మరోవైపు దర్శకుడు అనిల్ రావిపూడి ట్విట్టర్ ద్వారా స్పందించాడు. ‘సరిలేరు నీకెవ్వరు’ సినిమాలోని పాత్రను జగపతిబాబు చాలా ఇష్టపడ్డారు. ఈ ప్రాజెక్టులో భాగం కావాలని ఆయన భావించారు. అయితే కొన్ని అనివార్య కారణాల వల్ల ఆయన సినిమా నుంచి తప్పుకోవాల్సి వచ్చింది. త్వరలోనే జగపతిబాబుగారితో పనిచేసే అవకాశం కోసం ఎదురుచూస్తున్నానంటూ ట్వీట్ చేసాడు. పరిస్థితిని అర్థం చేసుకున్నందుకు ధన్యవాదాలు సర్` అంటూ జగపతి బాబును ఉద్దేషిస్తూ అనిల్ ట్వీట్ చేశాడు. మొత్తానికి సరిలేరు నీకెవ్వరు సినిమాలో జగపతి బాబు తొలగింపు జరుగుతున్న ప్రచారాలకు వీళ్లిద్దరు చెక్ పెట్టారు.
Comments
Post a Comment